ស្នងការដ្ឋាននគរបាលខេត្តត្បូងឃ្មុំ ត្រៀមកងកម្លាំង ការពារសន្តិសុខ សុវត្ថិភាព របៀរបបសណ្តាប់ធ្នាប់ នាឱកាសបុណ្យចូលឆ្នាំថ្មីប្រពៃណីខ្មែរ ខាងមុខនេះ

#ខេត្តត្បូងឃ្មុំៈ នៅព្រឹកថ្ងៃទី០៣ ខែមេសា ឆ្នាំ២០២៥ នៅទីលានគោរពទងជាតិ មុខអគារសេនាធិការ

លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោក លោកស្រី ស្នងការរង បានដឹកនាំកងកម្លាំងនគរបាលជាតិ នៃ ស្នងការដ្ឋាននគរបាលខេត្តត្បូងឃ្មុំ ប្រជុំជួរត្រួតពិនិត្យកងកម្លាំង គោរពទង់ជាតិ និង ផ្សព្វផ្សាយផែនការការពារចំពោះមុខ ។

1️⃣ លោកឧត្តមសេនីយ៍ទោ ចិន នី ស្នងការនគរបាលខេតត្បូងឃ្មុំ បានដាក់ចេញនូវផែនការមួយចំនួនដូចខាងក្រោមៈ

#សហការជាមួយអាជ្ញាធរ គ្រប់ថ្នាក់ កម្លាំងប្រជការពារ ចូលរួមផ្សព្វផ្សាយ ការបង្ការ គ្រោះអគ្គិភ័យ ការប្រើប្រាស់គ្រឿងញៀ.នខុ.សច្បាប់ ការបើកបរគោរពច្បាប់ចរាចរណ៍ ការពារ សន្តិសុខសុវត្ថិភាព សណ្ដាប់ធ្នាប់ នៅតាមទីប្រជុំជន ផ្សារ ផ្លូវប្រសប់ តំបន់រមណីយដ្ឋានកន្លែងកម្សាន្តនានា កន្លែងរៀបចំសង្ក្រាន្ត ល្បែងប្រជាប្រិយ និងល្បាតក្នុងភូមិសាស្រ្តទទួលខុសត្រូវ ។

#ការថតផ្តល់អត្តសញ្ញាណប័ណ្ណសញ្ជាតិខ្មែរគំរូថ្មី ជូនប្រជាពលរដ្ឋក្នុងដែលអញ្ជើញមកលេងស្រុកកំណើត ពេលចូលឆ្នាំថ្មីនេះ ។

#នគរបាលចរាចណ៍ បន្តយកចិត្តទុកដាក់ សម្រួលចរាចរណ៍ ជូនបងប្អូនប្រជាពលរដ្ឋ ធ្វើដំណើរក្នុង និងឆ្លងកាត់ខេត្ត ទាំងភ្ញៀវជាតិ និងអន្តរជាតិ ។

#គ្រប់កងកម្លាំងទាំង ត្រូវអនុត្តតាមផែនការ ដែលបានកំណត់ ការពារសុវត្ថិភាព ការរៀបចំសង្ក្រាន្តខេត្តត្បូងឃ្មុំ ថ្ងៃទី១៤-១៦ ខែមេសា ឆ្នាំ២០២៥ រៀបចំដោយរដ្ឋបាលសាលាខេត្ត ។

#ពង្រឹងកម្លាំងប្រចាំបញ្ជា កម្លាំងល្បាតចល័ត ត្រៀមជួយអន្តរាគមន៍បងប្អូនប្រជាពលរដ្ឋ ភ្ញៀវជាតិ អន្តរជាតិគ្រប់ពេលវេលា ។

#គ្រប់ផែនការងារជំនាញ ត្រូវបែចែកកម្លាំងប្រចាំការ និងធ្វើការផ្លាស់ប្តូរវេន ដើម្បីឱ្យបងប្អូន បានជួបជុំគ្រួសារ និងអបអរសាទរបុណ្យចូលឆ្នាំថ្មីផងដែរ ។

2️⃣ ការត្រៀមកងកម្លាំងការពារ កន្លែងប្រារព្ធពិធីសង្ក្រាន្តនានា ទាំងបរវេណរដ្ឋបាលសាលាខេត្ត តាមរមណីយដ្ឋាន វត្តអារាមជាដើម ដើម្បីធានាបានសុខសុវត្ថិភាព បានសប្បាយរីករាយ ជូនបងប្អូនប្រជាពលរដ្ឋយើង ។

ជាទីបញ្ចប់ លោកឧត្តមសេនីយ៍ទោស្នងការ បានជូនពរដល់កម្លាំង ទាំងអស់ចំណុះ ស្នងការដ្ឋាននគរបាលខេត្តត្បូងឃ្មុំ និងក្រុមគ្រួសារ ក្នុងឱកាសឆ្នាំថ្មីប្រពៃណីជាតិខ្មែរ និងបានត្រៀមរៀបចំ អាហារសាមគ្គីមិត្តនគរបាលនាពេលខាង ជនដល់បងប្អូនកងកម្លាំងយើងផងដែរ ៕