លោកឧត្តមសេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ បានដឹកនាំសហការី ចុះសាកសួរសុខទុក្ខលោកវរសេនីយ៍ត្រី ស សុវណ្ណារ៉ា នាយផ្នែករដ្ឋបាល នៃការិយាល័យអន្តរាគមន៍ និងតម្រួតបទបញ្ជា ដែលជួបគ្រោះថ្នាក់ចរាចរណ៍កំពុងសម្រាកព្យាបាលនៅពេទ្យបង្អែកខេត្តតាកែវ

ខេត្តតាកែវ៖ នាព្រឹកថ្ងៃសៅរ៍ ១៤រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៣ ខែសីហា ឆ្នាំ២០២៤ ដោយអនុវត្តតាមគោលការណ៍ការណែនាំចង្អុលបង្ហាញដ៏ខ្ពង់ខ្ពស់ពីសំណាក់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ បានដឹកនាំសហការី ចុះសាកសួរសុខទុក្ខលោកវរសេនីយ៍ត្រី ស សុវណ្ណារ៉ា នាយផ្នែករដ្ឋបាល នៃការិយាល័យអន្តរាគមន៍ និងតម្រួតបទបញ្ជា ដែលជួបគ្រោះថ្នាក់ចរាចរណ៍ កាលពីថ្ងៃទី ៣១ ខែកក្កដា ឆ្នាំ២០២៤(ពេលបំពេញការងារ) ដែលកំពុងសម្រាកព្យាបាលនៅមន្ទីរពេទ្យបង្អែកខេត្ដតាកែវ។ ក្នុងឱកាសសួរសុខទុក្ខនោះលោកឧត្តមសេនីយ៍ទោ ស្នងការ បានឧបត្ថម្ភជាថវិកាចំនួន ២លានរៀល និងទឹកផ្លែឈើចំនួន ២កេស ទឹកសុទ្ធចំនួន ២កេស ទឹកដោះគោឆៅចំនួន ២ឡូ ជូនដល់ក្រុមគ្រួសារលោក ស សុវណ្ណរ៉ា ដើម្បីសម្រាលបន្ទុកគ្រួសារ  រួមចំណែកកាត់បន្ថយការចំណាយចាយវាយផ្សេងៗបានមួយចំនួន។