លោកវរសេនីយ៍ឯក អ៊ុក បូនីន អធិការនគរបាលខណ្ឌមានជ័យ បានដឹកនាំប្រជុំបូកសរុបការងារប្រចាំខែវិច្ឆិកា និងដាក់ផែនការបន្តខែធ្នូ ការពារ និងបង្ការបង្រ្កាបបទល្មើសនានា ល្បាតពួនស្ទាក់ក្នុងភូមិសាស្រ្តខណ្ឌមានជ័យ

ដោយទទួលបានការអនុញ្ញាតពី ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ នៅរសៀលថ្ងៃទី១០ ខែធ្នូ ឆ្នាំ២០២៤ លោកវរសេនីយ៍ឯក អ៊ុក បូនីន អធិការនគរបាលខណ្ឌមានជ័យ បានដឹកនាំប្រជុំបូកសរុបការងារប្រចាំខែវិច្ឆិកា និងដាក់ផែនការបន្តខែធ្នូ ការពារ និងបង្ការបង្រ្កាបបទល្មើសនានា ល្បាតពួនស្ទាក់ក្នុងភូមិសាស្រ្តខណ្ឌមានជ័យ ដែលមានរបៀបវារៈដូចខាងក្រោម ៖

-ផ្សព្វផ្សាយខ្លឹមសារប្រជុំ និងគោលការណែនាំ របស់ឯកឧត្តម ស្នងការ កាលពីថ្ងៃទី៥ ខែធ្នូ ឆ្នាំ២០២៤

-ផ្សព្វផ្សាយសេចក្ដីណែនាំលេខ ០១៧ សណន ស្តីពីការប្រេីប្រាស់ឯកសណ្ឋាននគរបាលជាតិលេីបណ្តាញសង្គមផ្សេងៗ

-ផ្សព្វផ្សាយប្រកាសលេខ ៦៧១៧ ប្រ.ក ស្តីពី សិទ្ធិអនុញ្ញាតច្បាប់ឈប់គ្រប់ប្រភេទសម្រាប់មន្ត្រីនគរបាលជាតិកម្ពុជា

-ពង្រឹងការយកចិត្តទុកដាក់លេីការល្បាត-ពួនស្ទាក់ ក្នុងមូលដ្ឋានសង្កាត់ទាំង០៧

-ពង្រឹងការយកចិត្តទុកដាក់លើការ ការពារក្បួនថ្នាក់ដឹកនាំ

-ផ្សព្វផ្សាយណែនាំ ពាក់ព័ន្ធការងារផ្តល់សេវាសាធារណៈ ត្រូវយកចិត្តទុកដាក់ខ្ពស់ និងបម្រេីជូនប្រជាពលរដ្ឋបានល្អ ។

ពិធីនេះមានការចូលរួមពី លោក-លោកស្រីអធិការរង លោក-លោកស្រីនាយផ្នែក លោកនាយប៉ុស្ដិ៍ និងមន្ត្រីពាក់ព័ន្ធចំណុះខណ្ឌមានជ័យផងដែរ។