រដ្ឋបាលក្រុងបាវិត មានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងបាវិតអាណត្តិទី៣។

នាព្រឹកថ្ងៃទី៩ ខែសីហា ឆ្នាំ២០២៣ រដ្ឋបាលក្រុងបាវិត មានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងបាវិតអាណត្តិទី៣។

កម្មវិធីនេះរៀបចំធ្វើឡើងនៅសាលាសង្កាត់បាវិត ក្រុងបាវិត ក្រោមអធិបតីភាព លោក ណេប សារ៉ុន ប្រធានក្រុមប្រឹក្សាក្រុងបាវិត និងលោក លឹម សៀងហេង អភិបាល នៃគណៈអភិបាលក្រុងបាវិត និងបានការអញ្ជើញចូលរួមពីលោក លោកស្រីអភិបាលរងក្រុង លោក លោកស្រីសមាជិកក្រុមប្រឹក្សាក្រុង កងកម្លាំងប្រដាប់អាវុធទាំង៣ លោកនាយករដ្ឋបាលស្តីទី លោកនាយករងរដ្ឋបាល ប្រធានការិយាល័យចំណុះរដ្ឋបាលក្រុង តំណាងការិយាល័យសុខាភិបាលស្រុកប្រតិបត្តិជីភូ តំណាងអគ្គិសនីបាវិត លោកប្រធានការិយាល័យពន្ធក្រុង ប្រធាន និងសមាជិកក្រុមប្រឹក្សាសង្កាត់បាវិត មេភូមិ អនុប្រធានភូមិ សមាជិកភូមិ និងប្រជាពលរដ្ឋនៅក្នុងសង្កាត់បាវិត សរុបប្រមាណ ២៦៥ នាក់។