អស់លោកអាជ្ញាធរនិងសមត្ថកិច្ចស្រុកបាទី សង្ស័យត្រូវថ្នាំសណ្តំរបស់មេបនល្បែងស៊ីសងជល់មាន់អនទ្បាញតាមទូរទស្សន៍ អស់ហើយទេដឹង ទើបនាំគ្នារក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោ និងក្រសួងមហាផ្ទៃ។

អស់លោកអាជ្ញាធរនិងសមត្ថកិច្ចស្រុកបាទី សង្ស័យត្រូវថ្នាំសណ្តំរបស់មេបនល្បែងស៊ីសងជល់មាន់អនទ្បាញតាមទូរទស្សន៍ អស់ហើយទេដឹង ទើបនាំគ្នារក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោ និងក្រសួងមហាផ្ទៃ។

ខេត្តតាកែវ .មហាជនបានសំណូមពរដល់លោក ឧត្តមសេនីយ៍ទោ ឈាង ផាន់ណារ៉ា ជាស្នងការនគរបាលខេត្តតាកែវ  ជាពិសេស លោក អ៊ូច ភា ជាអភិបាលគណៈអភិបាលខេត្តតាកែវ សូមមេត្តាជួយចាត់វិធានការតាមផ្លូវច្បាប់ ចំពោះទីតាំងល្បែងស៊ីសងជល់មាន់អនទ្បាញតាមទូរទស្សន៍មួយកន្លែងលេងនៅភូមិតានន ឃុំត្នោត  ដែលកំពុងតែលួចលាក់បើលេងយ៉ាងអនាធិបតេយ្យជាទីបំផុត ។


ក្នុងនោះអស់លោកអាជ្ញាធរនិងសមត្ថកិច្ច ស្រុកបាទី  បាននាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសង នៅទូទាំងរាជធានីខេត្ត ពិសេសមិនអនុវត្តន៌នូវគោលនយោបាយភូមិឃុំ មានសុវត្ថភាពរបស់ក្រសួងមហាផ្ទៃទៀតផង ។

សូមជម្រាបថា៖ កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗ​នេះ​ សម្ដេចតេជោ ហ៊ុន សែន នាយករដ្ឋមន្ត្រី​ នៃកម្ពុជា​ បានចេញ​បទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន​ សម្តេច​តេជោ​ ហ៊ុន​ សែន បានបញ្ជាក់យ៉ាងច្បាស់ថា អាជ្ញាធរ​ស្រុក ក្រុង ខេត្តណា ដែលមិនទប់​ស្កាត់និងមិនបង្ក្រាប បទល្មើសល្បែងស៊ីសង នៅ​ក្នុងមូលដ្ឋានរបស់ខ្លួនទេ​ ! អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។


ពាក់ព័ន្ធនិងជុំវិញករណី ល្បែងស៊ីសងជល់មាន់អនទ្បាញតាមទូរទស្សន៍ ខាងលើនេះ មហាជនបានដាក់ការសង្ស័យថា អស់លោកអាជ្ញាធរនិងសមត្ថកិច្ចស្រុកបាទី  អាចត្រូវថ្នាំសណ្តំពីមេបនល្បែងស៊ីសងជល់មាន់តាមទ្បាញ ខាងលើនេះអស់ហើយទេដឹង ទើបនាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោ និងក្រសួងមហាផ្ទៃ។