លោកឧត្ដមសេនីយ៍ត្រី ហេង វុទ្ធី អញ្ជើញជាអធិបតីក្នុងពិធីបញ្ចុះបឋមសិលា សាងសង់អាគារប៉ុស្តិ៍នគរបាលរដ្ឋបាលមេសរជ្រៃ នៃអធិការដ្ឋាននគរបាលស្រុកស្ទឹងត្រង់!
នៅព្រឹកថ្ងៃចន្ទ ទី០៦ ខែកុម្ភៈ ឆ្នាំ២០២៣នេះ លោកឧត្ដមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម និងលោក ទុន ណេត អភិបាល នៃអភិបាលស្រុកស្ទឹងត្រង់ បានដឹកនាំលោក-លោកស្រី ស្នងការរង នាយការិយាល័យជំនាញ និងកម្លាំងអធិការដ្ឋាននគរបាលស្រុកស្ទឹងត្រង់ ចូលរួមក្នុងពិធីបញ្ចុះបឋមសិលា សាងសង់អាគារប៉ុស្តិ៍នគរបាលរដ្ឋបាលមេសរជ្រៃ នៃអធិការដ្ឋាននគរបាលស្រុកស្ទឹងត្រង់ ទំហំទទឹង១២ម៉ែត្រ បណ្ដោយ៧ម៉ែត្រ ។
អាគារប៉ុស្តិ៍នគរបាលរដ្ឋបាលមួយនេះ ទទួលបានការឧបត្ថម្ភពីឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងដោយមានការចលនាគាំទ្រឧបត្ថម្ភពី ស្នងការនគរបាលខេត្ត កងកម្លាំង នៃអធិការដ្ឋាននគរបាលស្រុកស្ទឹងត្រង់ និងកងកម្លាំងប៉ុស្តិ៍នគរបាលរដ្ឋបាលមេសជ្រៃ ព្រមទាំង សប្បុរសជននានាក្នុងស្រុក និងក្រៅ ផងដែរ ។
ក្នុងពិធីនោះដែរ លោកឧត្តមសេនីយ៍ស្នងការ ក៏បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ នូវថវិកា 1000$ ប្រគល់ជូនលោកនាយប៉ុស្តិ៍នគរបាលរដ្ឋបាលមេសរជ្រៃ សម្រាប់ការចាក់ដីបំពេញបន្ថែមក្នុងបរិវេណប៉ុស្តិ៍ និងជូនបច្ច័យតាជី យាយជី ១១នាក់ ម្នាក់ៗទទួលបាន បច្ច័យ០១មុឺនរៀល និងក្រម៉ា០១ តាអាចារ្យម្នាក់ បច្ច័យ ៥មុឺនរៀល និងក្រម៉ា០១ ផងដែរ ។
បន្ទាប់មក លោកឧត្តមសេនីយ៍ស្នងការ និងសហការី បានបន្ដចុះត្រួតពិនិត្យប៉ុស្តិ៍នគរបាលរដ្ឋបាលដងក្ដា នៃអធិការដ្ឋាននគរបាលស្រុកស្ទឹងត្រង់ ដែលមានសភាពចាស់ទ្រុឌទ្រោម និងគ្រោងផ្ដេីមការសាងសង់ នាពេលខាងមុខនេះបន្តទៀត ៕
No comments:
Post a Comment